For femte året på rad er det klart for ein ny runde med Eikefjord IL-Trimpoeng. Appen er gratis, men som i fjor tek vi noko i deltakaravgift. Likevel: Barn og ungdom i EIL skal få delta utan å betale "treningsavgift", det gjeld her også frå i år :) Halvering av prisen for barn/ungdom som ikkje er medlemmar til kr 50,-

Nytt av i år er å lokke dykk til å ta ein pause på Kvilehytta vår, og nyte den vakre utsikta. Håpar mange vil finne glede i det. Elles ynskjer fleire seg å halde på med trimpoeng gjennom sommaren, så i år varar konkurransen frå 9.mars til 15. september.

Vaksen medlem: 100,-

barn/ungdom som er medlemmar, til og med 19 år: 0,-

Vaksen, ikkje-medlem: 200,-.

barn/ungdom som ikkje er medlem, til og med 19 år: 50 ,-

Ikkje lur, hiv dykk med, det gjer godt for kropp og sjel!

Dette skal vere eit lågterskeltilbod og motivere til fysisk aktivitet, nokre turar er i høgden og nokre er i "låglandet". Tanken med både turar både i låglandet og i høgda er at vi er opptatt av at det skal vere turar for ein kvar smak og moglegheiter, og at folk i dei ulike grendene har fleire turar å velje mellom.

Tidlegare har vi fått tilbakemeldingar på postar som burde justerast eller anna info som burde ut til deltakarane,- det er vi veldig glade for og vi oppfordrar dykk til å gjere det ved behov i år også. Send oss ein mail til liv.torsvik.myrvollen@gmail.com eller sms til 936 19 254.

Kvar "elektronisk" post har ein sirkel med radius på mellom ca 5 og 130 meter. Når du er innanfor sirkelen vil registreringsknappen bli grøn og du kan registrere posten. Register sjølv om det ikkje er dekning, det vil ordne seg når du kjem i dekningssona og du oppdaterar- om ikkje så prøv å oppdatere sjølve appen. Om ikkje det let seg gjere så ikkje nøl med å ta kontakt.

Det må gå 8 timar mellom kvar gong ein registrerar seg på same post.

Ikkje alle postane opnar 09.03 for registrering, turar som Skålefjellet, Egga, Fagernipa, Ørneklumpen og Vikanipa opnar i slutten på april. Håsteinen, Blånipa og den nye posten på Høydalsnipa opnar på sjølvaste 17.mai.

Det ligg ein del snø i fjellet så det er lurt å ha med truger der det ikkje er så godt å gå på ski. Elles understrekar vi at ein går på eige ansvar, så ver føre var - i høve vêr og føre.

Kvar brukar må ha eit telefonnummer som brukarnamn. For barn som ikkje har mobiletelefon med netttilgang sjølve blir det løyst slik at ein "låner" telefonnummer frå familie/ven som sjølv ikkje er med i konkurransen. Melding med passord blir sendt på sms til brukaren av nummeret og på epost til den forelder som melder på. Når ein er ute på tur må den som er med barnet logge seg på barnet sin brukar for å registrere turen.

Det er lurt å hake av for at ein ynskjer informasjon når ein melder seg på.

Det vil bli premiering i år også der det meste blir trekt ut tilfeldig av alle deltakarar der

Born/ungdom over 50 poeng

Vaksne over 100 poeng

Dei tre med mest poeng i konkurransen blir premiert og dei som har tatt alle turmåla.

Då er det berre å registrere seg og komme seg ut på tur. Vi vil òg råde ein til å ta med hengekøye t.d. og ligge seg til dobbelt poeng :)

Hugs å late att grinder og at det er bandtvang for hundar (same kor snill hunden er). Hugs å ta hensyn, og tenk over om parkering av bil eller anna er til hinder eller sjenanse. Gå evt. nokre få meter ekstra.

Bruk instagram for å fortelje om turen #eikefjordil og/eller på facebookgruppa: EIL-Turglede

Send oss gjerne tips om turforslag til seinare trimpoeng-omgangar via appen. God tur!

Eikefjord Trimpoeng 2024